ENTROIDO 2025

Este ano a temática do Entroido foi o aniversario do noso cole, que celebrou os seus corenta anos de vida no pasado mes de outubro. 

Ao longo deste curso, estamos a realizar diferentes actividades para conmemorar esta data tan especial.  Entre elas, un calendario cos feitos máis sinalados entre 1984 e 2024, recompilando 40 anos de historia.

Este calendario servíu de eixo para organizar o Entroido 2025 e así foi disfrazada cada clase: 

Educación infantil: Accidente do Discovered Interprise (1998)

1º de primaria: Pabillón do colexio de Esteiro (2003)

2º de primaria: Campus Universitario en Ferrol (1993)

3º de primaria: Camiño de Santiago. Patrimonio da Humanidade (1993)

4º de primaria: Ciclón Hortensia (1984)

5º de primaria: Orixe do colexio (1984)

6º de primaria: Desastre do Prestige (2002)/Museo do Xogo Popular (2002)

Aínda que todas as familias recibíchedes un calendario de mesa, podedes ver o calendario (de mesa e de parede) premendo na seguinte imaxe: 

Nenos e nenas de educación infantil fomos disfrazados de mariñeiros e mariñeiras e as nosas mestras de traballadoras do naval, lembrando o accidente do Discovered Interprise que tanta sona tivo na nosa comarca. 

Para elaborar o disfrace contamos coa colaboración das familias no referido á vestimenta e, na escola, creamos algún complemento: gorro e chapa identificativa. 

No seguinte video podedes ver as actividades realizadas e parte do desfile. Moitas grazas a todos os familiares que acudíchedes para acompañármonos no pasarrúas, esperamos que desfrutásedes tanto coma nós. 

Feliz Entroido!