Educación Infantil

Este curso a celebración do día do Peón retomou a normalidade e foi un día de xuntanza e xogo para todos os nenos e nenas da escola.  Os días previos, todo o alumnado de infantil estivo decorando o seu peón nas aulas para despois bailalo e xogar con el. Tamén visitamos o Museo do Xogo Popular no que hai diferentes tipos de peóns e buxainas, así como carteis explicativos sobre a súa elaboración e partes. Co profe Gonzalo aprendimos as partes do peón: virolusa , capa , panza e punta . Estas formaron parte dun mural xigante, que alumnado de 6º de primaria preparou para este día.  E como en toda festa non pode falta a música, escoitamos a canción "Teño unha buxaina" e practicamos moito para cantala todos xuntos no pabillón o día do Peón, xa case é un himno para o noso cole.  Ademais no pabillón esperábanos Adolfo, da Asociación de Torneiros "Virutas" , para aprendernos como se constrúe un peón. Agasallou á escola cunha gran buxaina e outras máis pequeniñas que estiv

Un ano máis acudimos ao Muíño de Pedroso para facer uns talleres moi interesantes: “Pegadas e rastros” e “Itinerario medioambiental” . Soa ben, verdade? Comezaron os nenos e nenas de 5 anos co obradoiro sobre pegadas e rastros, coñecendo as pegadas de diferentes animais da contorna por medio dun xogo. Despois puxémonos mans á obra para crear a nosa propia pegada en barro, que despois levariamos para casa. Mentres, o alumnado da clase de 4 anos fixo unha andaina pasando polo Muíño de Pedroso, cruzando a ponte que pasa sobre río Xuvia e camiñando ata o río Castro, onde está ubicado outro muíño chamado Entrerríos. Polo camiño atoparon pegadas de xabaril , esquío , corzo ... Tamén viron árbores como o carballo , castiñeiro , pradairo , abeleira ou flores como o alecrín , que é a flor do toxo . De casualidade atoparon aos bombeiros de Narón, que estaban de ruta, e pararon a saudalos e ata acenderon as luces do camión J Despois de recuperar forzas cun almorzo e un pouco de tempo

Coa chegada do outono comeza o tempo de cabazas e castañas , comeza o tempo de celebrar o Samaín e o Magosto.  Para conmemorar o Samaín decoramos cabazas nas aulas que formaron parte da exposición que houbo na escola o xoves, día 27 de outubro. Cada aula aportou varias cabazas: pantasmas, meigas, vampiros... ata o polo Pepe e os SuperThings quixeron estar na nosa exposición ;-) Para celebrar o Magosto xuntámonos a merendar no patio cuberto, castañas e zume. Algúns de nós probamos as castañas por primeira vez e non sabían nada mal! Tamén decoramos un cestiño para levar unhas castañas para casa e compartilas con vós, as familias.  Temos que agradecervos a vosa colaboración, tanto por aportar as cabazas para decorar, as castañas para degustar como polos cartóns de leite ou zume cos que fixemos os cestos.  O venres como fin de festa fomos disfrazados á escola, así demos por rematada a celebración destas festas que marcan o fin do verán. Agora a polas seguintes!