Educación Infantil

O venres, tivemos unha visita moi especial na escola: Antón Cortizas . Celebramos con esta visita o Día das Bibliotecas e previamente fixemos, segundo a aula,  varias actividades:  Coñecer quen é Antón Cortizas. Ler contos escritos por el. Colorear unha caricatura. Escribir títulos dos seus contos. Ordear versos de poemas seus. Secuenciar as páxinas dun conto escrito por el. Memorizar algún poema ou rima. Visitar o Museo do Xogo Popular da nosa escola, xa que Antón ten varias pezas en depósito. Antón, ademais de escritor, é investigador, creador de xoguetes, como por exemplo o avión que se atopa na subida á biblioteca. Quedamos abraiados cando soupemos que fora el quen o fixera :-) Antón leunos o conto "Os dez animais" , pero tamén aprendeunos unha rima sobre os dedos das mans e a facer unha pombiña de papel. Para agradecerlle o agarimo e tempo compartido encargamos un agasallo: un boneco feito con follas de millo. Creemos que a Antón lle gustou moito, para "Antón, o x

O alumnado de infantil comezou a realizar algunha actividade conxunta, neste caso un pequeno mural sobre o outono . Este curso decidimos crear unha árbore de moitas cores , decorando uns círculos de cartolina. Todos os peques participaron no pintado do tronco e elaboración dos círculos, aínda que no video só se ve unha pequena mostra do traballo realizado.  Agora esta árbore decora o noso corredor, xa podemos dicir que o outono chegou ao cole de Esteiro!

    OLA FAMILIAS,    COMEZOU  O  CURSO DE 3 ANOS CHEO  DE  NERVIOS , ILUSIÓNS , CURIOSIDADE , XOGOS ...; PERO XA PASADO O PRIMEIRO MES, XA PARTICIPAMOS NUNHA CHEA DE ACTIVIDADES NOVAS, CON PROFES NOVOS, LUGARES NOVOS, NOVAS EMOCIÓNS E SENTIMENTOS.     NO SEGUINTE VÍDEO PODEDES DISFRUTAR DESTES PRIMEIROS MOMENTOS TAN EMOTIVOS PARA OS NENOS E NENAS. ESPERO QUE VOS GUSTE O VÍDEO E DISFRUTEDES DEL.

Esta semana comezou a funcionar a biblioteca da escola e os peques de infantil poderán levar un libro ou conto semanal a casa. Tamén poderán disfrutar das mochilas viaxeiras, cheas de tesouros, que con moito agarimo prepara a Pescadora de historias .  No mes de setembro todo o alumnado de infantil recibíu unha pequena formación sobre o uso da biblioteca, coñecendo e recordando as normas, como están ordenados os libros, que actividades facemos na biblioteca...  Mirade que bonita é! Ademais hai novidades preparadas para nós! O alumnado de 5º de infantil fará o préstamo os mércores e terá que devolver os libros/mochilas ao luns seguinte. O alumnado de 6º de infantil fará o préstamo o xoves e terá que facer a devolución o martes.  O alumnado de 4º de infantil comezará nunhas semanas o préstamo, de momento está a coñecer á Pescadora, visitar a biblioteca... Pero a Pescadora acordouse deles e preparou unha caixiña para a súa clase, vaia sorte! Esperamos que disfrutedes moito dos libros, c