Educación Infantil

Rematou o curso e toca descansar un pouquiño despois da morea de actividades que fixemos no 3º trimestre. No video veredes moitas delas, ainda que non están todas, xa que é difícil resumir tres meses en apenas dous minutos. E como canta Magín Blanco na canción "xa somos maiores", claro que si, medramos e aprendimos moito neste curso, así que agora tocan as merecidas vacacións. Apertas de todos os nenos, nenas e profesorado da clase de 3 anos . Disfrutade do verán! 

      Neste tercer trimestre, os nenos e nenas elixiron o seu propio centro de interese para traballar na aula. O animal mariño máis votado foi o POLBO .     Descubrimos e aprendemos moitas cousas curiosas do polbo, como as seguintes:     -A súa sangue é de cor azul.    -Ten 8 tentáculos.    -Conta con 3 corazóns.    -Posúe 9 cerebros.    -Pode camuflarse.    -Existen moitos tipos de polbos    -e moitas cousas  máis.    Podedes descrubrir todo no seguinte vídeo:    

                                           Hai máis de 1.700 anos... unha noite de San Xoán, aproveitando que a   Moura de Sedes   fora saltar a cacharela á casa da súa irmá, a   Meiga Dorinda , o   Nubeiro do Alto do Coto   e a   Xacia do Xuvia   entraron na súa casa e roubáronlle o angazo co que a Moura todos os días estendía o seu tesouro na eira ao sol, a vasoira coa que todos os días a Moura barría o seu tesouro para que relucira tanto que o seu brillo cegara a todos os que por alí pasaran e o cofre coa chave onde a Moura gardaba con todo o agarimo o seu tesouro. Hai máis de 1700 anos que a Moura de Sedes abandonou a súa aldea, apenada non tanto polo tesouro roubado como porque llo roubaran os seus propios veciños e veciñas. Hai máis de 1700 anos que o   Trasno Perollo   intenta recuperar o tesouro da súa máis prezada amiga, a Moura de Sedes, sen éxito.    AÍNDA QUE CHOVEU UN POUQUIÑO, FIXEMOS UNHA MOREA DE ACTIVIDADES MOI DIVERTIDAS E PASAMOS UN DÍA XENIAL!!!    PODEDES VERLAS TO

O alumnado de 4º. 5º e 6º de primaria estiveron visitando aos peques de infantil tendo como punto de unión a lectura. Deste xeito convertíronse en padriños e madriñas lectoras dos nenos e nenas de infantil.  Para organizar esta actividade primeiro acudiron á biblioteca a coñecerse, ou no caso dos nenos e nenas de 5 anos a reencontrase, cos seus padriños e madriñas. Nesta sesión falaron, leron algún conto, xogaron ou fixeron un debuxo, calquera actividade que servise para conectar e comezar a crear un vínculo cun compañeiro/a da escola, en moitos casos descoñecido.  Despois os maiores acudiron á biblioteca a escoller unha lectura apropiada para os seus afillados e afilladas, en función dos seus gustos e a súa idade.  E, para rematar, esta semana realizamos unhas lecturas ao aire libre, nas que compartimos historias, algo de xogo e un pequeno agasallo.  O alumnado de infantil tamén preparou uns debuxos para que os seus padriños e madriñas tivesen un recordo da actividade, seguro que qued

O martes, 28 de maio, todos os nenos e nenas de infantil fixemos unha visita ao cuartel de infantería do Tercio Norte, situado no mesmo barrio que o colexio.  A proximidade permitíu que fixésemos a visita a pé, camiñando pola beirarrúa e pasando por lugares como Navantia ou a Universidade.  A nosa chegada disfrutamos dun concerto da banda de música, no que aprendimos as diferentes familias de instrumentos e escoitamos cancións tan coñecidas como Aladdin, a Bela e a Bestia ou Bob Esponja. Pero tamén escoitamos outro tipo de cancións como unha marcha militar ou o cancán.  Despois, na zona do patio, participamos nunha exhibición canina. Había varios cans e fomos testigos de como detectan obxectos dentro de maletas, nas persoas... e incluso poden atopar un explosivo nunha furgoneta. No noso caso sempre actuaban atopando "chuches" así que non houbo ningún perigo. Puidemos velos de cerca, tocalos... moitos de nós tiñamos moita ilusión de darlles un agarimo :-) O día acompañou e vol

    Este ano, o Día das Letras Galegas está adicado a  LUÍSA VILLALTA : escritora, violinista, activista e defensora do galego.    Na entrada do cole, realizamos unha exposición con diferentes debuxos dos nenos e nenas, Cada nivel educativo elaborou unha parte da súa extensa biografía correspondente á súa corta vida.     En infantil, confeccionados 3 debuxos relacionados co seguinte:    -Luísa naceu na Coruña o 15 de xullo do ano 1957.    -Medrou no barrio A Falperra, onde pasou unha infancia moi feliz coa súa familia, as súas mascotas, o seu violín e os seu libros.    -Foi profesora da Lingua Galega en diferentes institutos, sendo un deles o IES de Canido, en Ferrol.     Con todos estos debuxos elaborarase un LIBRO coa súa biografía.     Ademáis, como Luísa foi unha gran violinista, os nenos e nenas de infantil realizaron uns colares cunha nota musical en pasta blanca.    Podedes realizar un visionado destas actividades no seguinte vídeo:           Esperamos que vos guste moito!!!

      Como cada ano, o cole de Esteiro celebra a chegada da primavera coa celebración dunha festa tan nosa e colorida como son O S M A I O S .     Este ano temos que dar as grazas aos nenos e nenas de sexto de primaria e a Eva, que colaboraron na súa composición e deseño.     Quedou moi bonito!!!!!!     Podedes ver tódalas actividades no seguinte vídeo:    

No cole de Esteiro celebramos o Día do Libro cun xogo de pistas que chamamos "O Preguntón" . Consiste en atopar unha serie de sobres de colores, que poden estar na clase, no Museo do Xogo Popular, na biblioteca... Nesta ocasión, tamén consultamos os carteis que realizamos no Entroido sobre os xogos olímpicos, xa que había preguntas relacionadas coas Olimpíadas . Cada clase de infantil dividiuse en 5 equipos, e cada equipo tiña asignada unha cor por medio dun colgante que, despois, puidemos levar para casa. Unha vez atopado o sobre, hai que tentar responder á  pregunta ou adiviña que aparece, ben falando co noso equipo, explorando polo museo, demostrando o coñecemento que temos da biblioteca... Cando atopamos os 5 sobres, entre todos, tivemos que resolver unha proba final , onde tiñamos que descubrir onde podería estar agochado un pequeno tesouro . Tivemos que axudarnos dunha lanterna máxica, xa que a mensaxe estaba escriba con tinta invisible.  Foi moi divertido recorrer to

Ao longo do 2º trimestre o corredor de educación infantil achegouse a Olimpia , en concreto, á celebración dos Xogos Olímpicos . Durante varias semanas afondamos no coñecemento de diferentes deportes, a orixe das Olimpíadas, os seus símbolos e elementos máis característicos, diferentes mascotas... Como sempre temos que agradecer ás familias a súa colaboración, aportando libros e contos, información, materiais deportivos... que puidemos compartir cos nosos compañeiros e compañeiras.  Foron semanas moi intensas, cun divertido Entroido de por medio, no que nos caracterizamos como esgrimistas, deporte sobre o que tamén aprendimos moito. Sobre este deporte elaboramos un cartel informativo que estivo exposto na entrada da escola.  Con toda a información elaboramos un lapbook cunha chea de actividades e xogos que poderemos repetir e compartir as veces que queiramos.  No video veredes como foi o desenvolvemento deste proxecto conxunto entre as tres aulas de educación infantil. 

Rematado o 2º trimestre chega o momento de compartir con vós, as familias, algunhas das actividades e vivencias que experimentamos nestes meses.  A medida que pasan as semanas imos sendo cada vez máis autónomos e autónomas, xa temos interiorizadas as rutinas e actividades que acontecen no día a día e, como grupo, cada vez estamos máis unidos.  Os xogos olímpicos invadiron as aulas de infantil, pero tamén houbo tempo para coñecer as partes do corpo , comezar a escribir o noso nome , facer xogos matemáticos , manipular diferentes materiais e utensilios... No video veredes estas e outras actividades... Esperamos que vos guste e sirva como punto de partida para conversar sobre a escola e todo o que facemos nela. 

      O CONCELLO DE FERROL, EN COLABORACIÓN COA COORDINADORA DE EQUIPAS DE NORMALIZACIÓN LINGÜÍSTICA, OFERTOU UN CICLO DE CINE EN GALEGO PARA OS ALUMNOS E ALUMNAS DE FERROL NO TEATRO JOFRE .          EN INFANTIL VISIONOUSE A PELÍCULA MEIGALLOS , SENDO A DIRECCIÓN DE VIRGINIA CURIÁ, O GUIÓN DE ÁNXELA LOUREIRO E A PRODUCIÓN DE CHELO LOUREIRO.       PODEDES VER ESTA SAÍDA NO SEGUINTE VÍDEO:

      ESTE  ANO, O  ENTROIDO ESTÁ ADICADO ÁS OL IM PI AD AS E O VENRES 9 DE FEBREIRO CADA CICLO OU CURSO PUIDO DISFRAZARSE DUN DEPORTE OLÍMPICO:    -ESGRIMA    -HOCKEY    -PIRAGÜISMO    -TENIS    -NATACIÓN    -RUGBY        POR MOR DA CHOIVA, TIVEMOS QUE DESPRAZAR O FESTIVAL DO ENTROIDO PARA O PAVILLÓN. NON POIDEMOS REALIZAR UN PASACALLES, PERO FOI MOI EMOTIVO  DESFILAR CO TRAXE BRANCO DE ESGRIMA, A NOSA CARETA   E O FLORETE REALIZADO NA CLASE.    TODOS E TODAS MERECERON A MEDALLA DE OURO DO BEN QUE DESFILARON!!!!    NESTE PEQUENO VÍDEO PODEDES DISFRUTAR DE TÓDALAS ACTIVIDADES DESENVOLVIDAS  NO ENTROIDO.    ESPERAMOS QUE VOS GUSTE!!!!!💓

Este ano celebramos o Día da Paz cunha actividade moi especial: unha carreira solidaria .                                                           Xa que este ano estamos a traballar sobre as olimpíadas, que mellor que afondar na parte máis solidaria do deporte, recadando alimentos para a Cociña Económica de Ferrol .  En todas as aulas prepararon os dorsais que servirían para facer os tríos de corredores e corredoras. Así os maiores do cole serían os encargados de buscar no pavillón aos pequenos corredores, guiándose polo número de dorsal.  Grazas a todas as familias por aportar o seu pequeno gran de area e facer posible a doazón á Cociña Económica. Cada neno e nena de infantil levou para casa unha medalla de ouro , recordo deste día e símbolo de que todos gañamos cando traballamos xuntos e xuntas para mellorar a nosa sociedade.  Parabéns a todos e todas a participantes!

     O mes de Decembro está cheo de actividades: Os nenos e nenas elaboraron un AGASALLO  para colgar na súa árbore de Nadal (unha campá, unha bola de neve e unha tarxeta). Prepararon  as PORTADAS  de todos os traballos que realizaron neste primer trimestre. Disfrutaron dunha gran CHOCOLATE CON CHURROS  gracias á ANPA. E celebramos o FESTIVAL    de Nadal con diferentes cancións e bailes.    Podedes ver todas estas actividades no seguinte vídeo:     Esperamos que pasárades unhas felices festas!!!