VISITA AO MUÍÑO DE PEDROSO
Un ano máis acudimos ao Muíño de Pedroso para facer uns talleres moi interesantes: “Pegadas e rastros” e “Itinerario medioambiental”. Soa ben, verdade?
Comezaron os nenos e nenas de 5
anos co obradoiro sobre pegadas e rastros, coñecendo as pegadas de diferentes
animais da contorna por medio dun xogo. Despois puxémonos mans á obra para
crear a nosa propia pegada en barro, que despois levariamos para casa.
Mentres, o alumnado da clase de 4
anos fixo unha andaina pasando polo Muíño de Pedroso, cruzando a ponte que pasa
sobre río Xuvia e camiñando ata o río Castro, onde está ubicado outro muíño
chamado Entrerríos.
Polo camiño atoparon pegadas de
xabaril, esquío, corzo... Tamén viron árbores como o carballo, castiñeiro,
pradairo, abeleira ou flores como o alecrín, que é a flor do toxo. De
casualidade atoparon aos bombeiros de Narón, que estaban de ruta, e pararon a
saudalos e ata acenderon as luces do camión J
Despois de recuperar forzas cun
almorzo e un pouco de tempo de lecer, chegou o momento de realizar o obradoiro
que non fixeran anteriormente. No video veredes cantas
cousas vimos e fixemos nos dous obradoiros.
Agora toca buscar tempo en
familia para acudir a pasear por Pedroso,
ver que bonito está en outono e de paso aprender con nós que xa somos
todos uns expertos e expertas na materia.
Comentarios
Publicar un comentario