DÍA DO PEÓN 2022
Este curso a celebración do día do Peón retomou a normalidade e foi un día de xuntanza e xogo para todos os nenos e nenas da escola.
Os días previos, todo o alumnado de infantil estivo decorando o seu peón nas aulas para despois bailalo e xogar con el. Tamén visitamos o Museo do Xogo Popular no que hai diferentes tipos de peóns e buxainas, así como carteis explicativos sobre a súa elaboración e partes.
Co profe Gonzalo aprendimos as partes do peón: virolusa, capa, panza e punta. Estas formaron parte dun mural xigante, que alumnado de 6º de primaria preparou para este día.
Ademais no pabillón esperábanos Adolfo, da Asociación de Torneiros "Virutas", para aprendernos como se constrúe un peón. Agasallou á escola cunha gran buxaina e outras máis pequeniñas que estivo facendo ao longo da xornada. Quedou encantado con todo o que sabemos sobre este xoguete popular e nós tamén, porque foi moi interesante velo traballar e crear un peón en directo.
No video veredes todo o que aconteu ao longo destes días e, de paso, poderedes aprender a canción da buxaina :-)
Comentarios
Publicar un comentario