VISITA Á EXPOSICIÓN EN AFUNDACIÓN

O venres 22 de novembro o alumnado de 5º e 6º de infantil visitou a exposición "O obxecto contemporáneo e doméstico", que pertence a unha serie de exposicións que se están a realizar nas sete cidades galegas dentro do proxecto Simultánea: sete exposicións, en sete cidades. 

Nesta exposición abordase o obxecto dende unha perspectiva contemporánea -todas as obras pertencen aos séculos XX e XXI- e en clave doméstica. O doméstico non é só un espazo físico, senón un conxunto de relacións, funcións e desexos que habitan os fogares e definen aos seus habitantes, e de aí que algúns artistas acudan a el para transmitir as súas experiencias persoais.

A exposición ten diferentes apartados: 

• Obxectos na mesa
• Naturezas de interior
• Paredes pintadas
• Luces de cristal
• A metáfora do obxecto
• A mirada fragmentada

Nelas atopamos obras de artistas tan recoñecidos como Segura Torrella, Luis Seoane e Carlos Maside e tamén artistas contemporáneos dos que fomos coñecendo a súa obra como Xurxo Oro, Héctor Francech ou Elena Gago. 

A visita tivo dúas partes: visita á exposición, atopando unha serie de pistas como fío condutor, e un taller onde poder plasmar a nosa creatividade por medio de diferentes materiais. 

No video veredes o interesante que foi a visita!