ENTROIDO 2022: LENDAS DE GALICIA

 

Este ano a temática do Entroido xirou en torno ás "Lendas de Galicia". Cada aula da escola escolleu unha lenda para coñecela, traballar sobre ela e preparar o seu disfrace.

A clase de 3 anos escolleu aos Xacios e Xacias; a clase de 4 anos a Pedro Chosco e a clase de 5 anos a Pepa a Loba.

Durante unhas semanas limos contos, consultamos información e preparamos un cartel explicativo, coa finalidade de dar a coñecer as diferentes lendas.

Con eses carteis fixemos unha exposición para vós, as familias. Estivo exposta no patio cuberto uns días e seguro que moitos de vós puidéchedes visitala.

Para os que non puidéchedes vela, tedes no seguinte enlace as fotos de todos os carteis da escola.

http://www.edu.xunta.gal/centros/ceipesteiro/node/1082

                                                   

Pero iso non foi todo, o Meco voltou pola escola e mandou moito, moitísimo ;-)

Cada día da semana tivemos que vir dunha maneira distinta e , para rematar, o venres puxémonos guapos e guapas co noso disfrace.

Os nenos e nenas de infantil demos unha volta por fóra da escola, para lucir os nosos disfraces. Moitas grazas a todos os que nos acompañáchedes neste momento!

E despois de tanto traballo tocou repoñer forzas coas lambetadas de Entroido que trouxemos da casa. Estaba todo boísimo!

No video veredes algunha fotiño destes momentos...

Moitas grazas a todos e todas por colaborar coa escola na celebración do Entroido.