DÍA DA PAZ 2021

O día 29 de xaneiro celebramos o Día Escolar da Non violencia e da Paz. Foi unha semana moi especial na que participamos en diferentes actividades, desfrutamos e aprendimos moito. 😊

Aínda que este ano non foi posible unha celebración conxunta de todo o cole, si que acordamos traballar os diferentes símbolos da Paz, un distinto en cada clase. Comezamos cunha conversa sobre o que significa a Paz e a Non Violencia; saíron cousas moi interesantes: coidar, compartir, estar tranquilos, axudar... Logo xa pasamos a traballar co símbolo da Paz.

Na aula de 3 anos eliximos a Pomba da Paz, coñecimos a Gandhi e a Picasso, xa que utilizamos algunhas das súas pombas para traballar. Na aula de 4 anos eliximos o "Arco Iris da Paz" e descubrimos que ten as sete cores do arco da vella ao revés. Na clase de 5 anos traballamos sobre o logo da Paz e vimos que as liñas de dentro do círculo representan as letras D e N (desarme nuclear) no alfabeto semáforo.

Ademáis, nas clases de 3 e 4 anos visionamos e comentamos "La historia de Punto" coa que aprendimos a respectar aos que son ou pensan diferente ca nós. Na clase de 5 anos vimos os videos de Unai Quirós cos que descubrimos o necesario que é ter no noso botiquín vacinas e pastillas como: esperanza, respecto, paciencia, igualdade, solidariedade e vitaminas da risa.

Tamén aprendimos cancións coma "Amiguiños todos" e "Siente la Paz". Para rematar traballamos coa palabra Paz: analizámola, compuxémola e escribímola; as nenas e nenos de 5 anos tamén buscamos nunha sopa de letras palabras como respecto, diálogo, amizade... todas elas moi necesarias para construíla Paz.

Como podedes ver no video fixemos un pouco de todo!!!






                                                                    



Comentarios

Entradas populares de este blog

PRIMEIROS DÍAS NO COLE DE ESTEIRO

SAMAÍN E MAGOSTO 2023

VISITA Á GRANXA BELELLE 2023