Educación Infantil

O alumnado de 4º de primaria preparou un contacontos para os nenos e nenas de 3 anos sobre "Las bolsitas de la señora T" de Paula Merlán.  A actividade desenvolveuse na biblioteca da escola e ademais da propia lectura, o alumnado de 4º preparou marionetas de papel e dedicou un tempiño a facer debuxos relacionados co conto cos pequerrechos. Foi unha experiencia xenial e seguro que repetirán con outros cursos. Grazas compis!

Pouco a pouco pasaron as semanas e xa case levamos 3 meses xuntos! Qué rápido pasa o tempo verdade? Pois neste tempo fixemos un montón de cousas interesantes e algunhas delas poderédelas coñecer no seguinte video. Tocamos moitos temas:  as froitas e plantas ,  as cores e as súas mesturas ,  as letras ,  os experimentos ... e sempre queda tempo para xogar todos xuntos, saír ao patio, ler contos, que ben aproveitamos a xornada! Falando de contos, que nos encantan, unha das actividades que fixemos xirou en torno ao conto  "Pequeno azul, pequeno amarelo"  de Leo Lionni. Se non o coñecedes paga a pena velo ;-)

     Continuando co Mes da Ciencia en Galego , promovido pola biblioteca escolar do noso cole, os nenos e nenas de 4 e 5 anos participaron nuns obradoiros internivelares moi interesantes, onde expuseron diferentes experimentos.        A clase de 5 anos, en relación co seu proxecto do corpo humano, explicaron ao curso de segundo de primaria como funcionan os pulmóns no noso corpo.       E a clase de 4 anos expuseron  ao curso de terceiro de primaria como pode inflarse un globo sen tocalo, únicamente cunha botella e unindo dous elementos como son: o vinagre e o bicarbonato de sodio. PASÁMOLO   XENIAL!!!!!!!

No inicio do curso 2019/2020 abriuse un pequeno espazo de Creatividade LEGO na  Biblioteca Escolar destinado ao alumnado de Educación Infantil.   Con esta iniciativa pretendemos fomentar a creatividade e dinamizar a biblioteca mediante a diversificación da oferta de actividades. Ollade: pequeniño pero xeitoso!                                                                                            Polas súas reducidas dimensións, as nenas e nenos desfrutan do mesmo por quendas, no momento en que acoden a facer o empréstito semanal; isto non supón ningún impedimento para que se empreguen a fondo nas súas creacións. Aquí vos deixamos unha pequena mostra para que o comprobedes por vos mesmos.            

O mércores 20 de novembro ,os nen @ s de 4 e 5 anos tivemos un obradoiro de ciencia en galego organizado pola biblioteca. Veu Vicente, pai de Xaime, a explicar o porqué flotan as cousas . Facendo que os nenos e nenas chegasen a conclusións a través de preguntas e experimentando con diferentes obxectos. Aos nenos e nenas gustoulles moito.  Grazas Vicente !

Os peques de 3 anos tardamos un pouquiño en escoller mascota... pero é que é una decisión moi importante! Fixemos varias tarefas para decidir que animal sería: Elaboramos un listado de animais favoritos. Escollemos os máis votados e fixemos unha nova votación empregando unha pegatina. Cada neno ou nena a pegou na imaxe do animal que prefería. Este foi o resultado: ELEFANTE 3 GATA 6 CAN 7 PATO 6 Unha vez que sabiamos que a mascota sería un canciño, fixemos un faladoiro para escoller o nome. Ao principio queriamos chamalo "Señor Gato" pero despois decidimos que "Chuli" sería o nome perfecto. Chuli xa está visitando as nosas casas, será una experiencia xenial! Benvido Chuli!

Este xoves, día 21, contamos na escola coa visita da escritora Paula Merlán . Esta actividade foi organizada polo equipo de biblioteca do centro e ía dirixida a todo o alumnado da escola. Os nenos e nenas de 3, 4 e 5 anos xunto co alumnado de 1º e 2º de primaria acudimos nunha mesma quenda ao salón de actos para desfrutar da lectura do conto "El dedo en la nariz" escrito por Paula e ilustrado por Gómez.  Despois presentounos o seu novo libro titulado "Pequeño botón" e firmou os libros de aqueles nenos e nenas que contaban con algún título desta autora. Ademais tivo un agasallo moi especial: a cabaza de Sofía que fixeron os compis de 4 anos no Samaín. Encantoulle! Deixámosvos a dirección do blogue de Paula por se queredes botarlle una ollada… https://cuentoseneldesvan.blogspot.com/ Moitas grazas Paula por compartir con nós este ratiño e achegarnos o teu traballo con tanto agarimo. Esperámoste de novo no cole de Esteiro!

    COMO CADA ANO, DESFRUTAMOS DA FESTA DOS XOGOS TRADICIONAIS E POPULARES NO CEIP DE ESTEIRO: O DÍA DO PEÓN .     OS NENOS E NENAS DE INFANTIL ELABORARON UNHA ZOADEIRA , QUE CONSISTE NUNHA RODA DE NEWTON E UNHA LÁ. HAI QUE DARLLE MOITAS, MOITAS, MOITAS... VOLTAS!!!! E A XOGAR!!!!

    Dentro do programa de igualdade de xénero, a ANPA  de Esteiro organizou o contacontos "IRIÑA BAILARINA" para as nenas e nenos de Educación Infantil.    Iriña era unha bailarina, pero non unha bailarina común. Vivía na máis fermosa caixa de música; pero, estaba preocupada, non podía saír da súa caixiña...    Iriña tiña un desexo: ser futbolista, ou pirata, ou o que ela quixese...   Este conto fannos reflexionar sobre  a igualdade de xénero, o cambio de roles  e  os esteriotipos sociais.           GRAZAS   RAQUEL!!! PASÁMOLO XENIAL!!!